忌廉咖哩炆牛肋條 【地捫輕鬆新煮意】

1乾蔥頭切絲、洋蔥切塊，甘荀切件。牛肋條洗淨抹乾。

2下油先爆香薑、蒜頭及乾蔥，下牛肋條煎至兩面金黃，肉的油份開始出來時，先下半個洋蔥一同炒香，加入50毫升清雞湯及咖哩意粉醬半盒一同煮熱。將所有材料倒入高速鍋炆30分鐘。取出肉，汁不要，因為牛肋條油份高，炆完個汁會好多油，不宜做拌醬汁。但肉已入味。

3但其實就咁食，個肉都已經好好味。用高速鍋炆，水份只需浸到半份材料便成。但如用明火炆，就要留意水份會蒸發，可能需要多一點的清雞湯，而且時間會比較長，至少要1小時。

4下少許油爆香餘下的半個洋蔥1分鐘，下餘下半盒咖哩意粉醬及少許清雞湯，加入牛肋條拌勻。清雞湯的份量可因應個人喜好調節。

5然後小火慢煮5-8分鐘，最後放入已熟的甘荀拌勻即可。

6貼士： 1. 這個牛肋條其實都可以用普通的電飯鍋去炆，無須睇火，將步驟2的材料全部放入普通電飯鍋，炆1小時，保溫30-45分鐘，牛肋條自然軟腍。但高速鍋的好處是快只需30分鐘就得。 2. 甘荀可於做咖哩芡汁醬前，用微波爐叮熟或蒸熟，因高速鍋於煮食中途不便放入其他材料，一同煮又會太爛。所以如用明火或普通電飯鍋炆的話，甘荀可以於中途放入同煮，最後與牛肋條分開回鍋即可。