金華玉樹雞【今晚食乜撚手小菜】

將冰鮮雞放在室溫，解凍洗淨後，用粗鹽擦雞身，沖洗乾淨後抺乾雞身。鑊加水（水蓋過成隻雞），煮滾後放入蔥同薑片，再水滾加上鑊蓋，熄火浸雞30分鐘。立即將隻雞放入冰水浸，灘凍及晾乾水份。

火腿拎3塊，每塊1開8件。灘凍及晾乾水份後，將雞剪頭、剪翼留用，掉走patpat、雞腳，跟著剪走雞胸骨、大脾骨。摸清楚沒有碎骨，將雞肉剪成一件件，同火腿差吾多大細。雞肉同火腿分3行排列，一件雞肉夾著一塊火腿，梅花間竹排起碟度。在雞肉相應位置，放上雞頭、兩隻雞翼 即買 尖，切返成隻雞咁。

鹽1/3小茶匙，1/3小茶匙糖加少許油煮滾，焯熟菜芯，圍在雞肉四邊。

水約1杯，雞粉半茶匙，鹽小茶匙，麻油少許，胡椒粉少許一齊煮滾。再將生粉水1湯匙埋獻，淋起雞肉面，完成。